ജൈവ ഉൽപ്പന്നങ്ങൾ കൂടുതൽ ഉൾപ്പെടുത്തി യൂണിയൻ കോപ്

വിൽപ്പനയ്ക്കായി കൂടുതൽ ജൈവ പച്ചക്കറികൾ എത്തിച്ച് യൂണിയൻ കോപ്. 20 ജൈവ ഫാമുകളുമായി സഹകരിച്ച് 33 വിഭാഗങ്ങളിലെ പച്ചക്കറികളും പഴങ്ങളും മറ്റുള്ള ഉൽപ്പന്നങ്ങളും ഇപ്പോൾ യൂണിയൻ കോപ് വഴി ലഭ്യമാണ്. ദിവസേന, പ്രാദേശിക-അന്താരാഷട്ര വിതരണക്കാരിലൂടെ ആറ് ടൺ വരെ ജൈവ ഉൽപ്പന്നങ്ങൾ യൂണിയൻ കോപ് സംഭരിക്കുന്നുണ്ട്. ജൈവ ഉൽപ്പന്നങ്ങൾ കൂടുതൽ ഉൾപ്പെടുത്തുന്നതും ഉപയോക്താക്കളിലേക്ക് എളുപ്പം എത്തിക്കുന്നതും തങ്ങളുടെ പ്രധാനപ്പെട്ട ലക്ഷ്യങ്ങളിലൊന്നാണെന്ന് യൂണിയൻ കോപ് സി.ഇ.ഒ മുഹമ്മദ് അൽ ഹഷെമി പറഞ്ഞു. ഉൽപ്പന്നങ്ങൾക്ക് മത്സരാധിഷ്ഠിതമായ വിലയും ഈടാക്കാൻ കഴിയുമെന്ന് അദ്ദേഹം കൂട്ടിച്ചേർത്തു.