ഉർവ്വശിയുടെ മിസ്റ്ററി ത്രില്ലർ 'ആശ' ഒക്ടോബർ 16-ന് സീ5-ൽ സ്ട്രീം ചെയ്യും

ഉർവ്വശി, ജോജു ജോർജ്ജ് എന്നിവർ പ്രധാന വേഷങ്ങളിലെത്തിയ മിസ്റ്ററി ത്രില്ലർ 'ആശ' ഒക്ടോബർ 16-ന് സീ5-ൽ സ്ട്രീം ചെയ്യും. സഫർ സനൽ സംവിധാനം ചെയ്ത ചിത്രത്തിൻ്റെ രചന നിർവ്വഹിച്ചിരിക്കുന്നത് ജോജു ജോർജ്, സഫർ സനൽ, രമേശ് ഗിരിജ എന്നിവർ ചേർന്നാണ്. ഉർവ്വശിക്കൊപ്പം ഐശ്വര്യ ലക്ഷ്മിയും പ്രധാന വേഷത്തിൽ ചിത്രത്തിലെത്തുന്നു. ഒരു റോഡപകടവുമായി ബന്ധപ്പെട്ട് ഇരുവരുടെയും ജീവിതത്തിൽ ഉണ്ടാകുന്നൊരു സംഭവത്തിൻ്റെ കഥയാണ് ചിത്രം പറയുന്നത്. ചിത്രത്തിലെ മറ്റ് പ്രധാന വേഷങ്ങളിലെത്തുന്നത് അജയൻ അദാത്, വിജയരാഘവൻ, ജോയ് മാത്യു, പ്രശാന്ത് അലക്സാണ്ടർ, പ്രശാന്ത് മാധവൻ, കോട്ടയം രമേശ് എന്നിവരാണ്.