കോട്ടയം മെഡിക്കൽ കോളജിൽ വിജിലൻസ് പരിശോധന; ക്രമക്കേടുകളിൽ അന്വേഷണം ശക്തമാക്കി

കോട്ടയം മെഡിക്കൽ കോളജ് ആശുപത്രിയിൽ വിജിലൻസ് സംഘത്തിന്റെ പരിശോധന നടന്നു. അനധികൃത നിയമനങ്ങൾ, സാമ്പത്തിക ക്രമക്കേടുകൾ, മറ്റ് അഴിമതി ആരോപണങ്ങൾ എന്നിവ സംബന്ധിച്ചാണ് അന്വേഷണം നടന്നത്. ആർപ്പൂക്കര സ്വദേശി സി.വി ജയമോൾ സമർപ്പിച്ച ഹർജിയുടെ അടിസ്ഥാനത്തിലാണ് ഹൈക്കോടതി നിർദേശപ്രകാരം അന്വേഷണം. കഡാവർ ഫണ്ടിൽ നിന്ന് 2019-ൽ നാല് ലക്ഷത്തോളം രൂപ ചട്ടവിരുദ്ധമായി ചെലവഴിച്ചെന്ന ആരോപണം ഉൾപ്പെടെ അന്വേഷണത്തിന്റെ ഭാഗമായി പ്രധാന രേഖകൾ പിടിച്ചെടുക്കുകയും ആശുപത്രി സൂപ്രണ്ടിന്റെ മൊഴി രേഖപ്പെടുത്തുകയും ചെയ്തു.