കോട്ടയം ഡിടിപിസി ഓഫീസിൽ വിജിലൻസ് മിന്നൽ പരിശോധന, പരാതികളുമായി ബന്ധപ്പെട്ട രേഖകൾ പിടിച്ചെടുത്തു

ജില്ലയിലെ വിവിധ ടൂറിസം കേന്ദ്രങ്ങളിലെ സാമ്പത്തിക-ഭരണപരമായ ക്രമക്കേടുകൾ സംബന്ധിച്ച പരാതികളുടെ അടിസ്ഥാനത്തിൽ കോട്ടയം ഡിടിപിസി ഓഫീസിൽ വിജിലൻസ് മിന്നൽ പരിശോധന നടത്തി. ഇന്നലെ വൈകിട്ട് മൂന്നുമണിയോടെ ആരംഭിച്ച പരിശോധന രണ്ട് മണിക്കൂറോളം നീണ്ടുനിന്നു. ഇല്ലിക്കൽ കല്ലിൽ നടന്ന അനധികൃത നടപടികളെക്കുറിച്ചും ക്രമക്കേടുകളെക്കുറിച്ചുമുള്ള പരാതികളാണ് പ്രധാനമായും പരിശോധനയ്ക്ക് കാരണം.