ഏട്ടുമാനൂരിലും ചൂട്ടുവേലിയിലും വെള്ളക്കെട്ട്, യാത്രക്കാർ ദുരിതത്തിൽ

ശക്തമായ മഴയിൽ ഏറ്റുമാനൂരിലും കോട്ടയം നഗരാതിർത്തിയായ ചൂട്ടുവേലിയിലും വെള്ളക്കെട്ട്. ഏറ്റുമാനൂർ ടൗണിലും എംസി റോഡിൽ ചൂട്ടുവേലി ജങ്ഷന് സമീപവുമാണ് പ്രധാനമായും വെള്ളക്കെട്ട് രൂപപ്പെട്ടത്. റോഡിൽ വെള്ളം ഉയർന്നതോടെ എംസി റോഡ് വഴിയുള്ള വാഹനഗതാഗതവും ഇഴഞ്ഞു നീങ്ങുന്ന അവസ്ഥയുണ്ടായി. റോഡരികിലെ ഓടകൾ കൃത്യമായി ശുചീകരിക്കാത്തതും മാലിന്യങ്ങൾ അടിഞ്ഞുകൂടി അടഞ്ഞുകിടക്കുന്നതുമാണ് വെള്ളക്കെട്ടിന് കാരണം എന്ന് നാട്ടുകാർ ആരോപിക്കുന്നു. ഓടകളിലെ തടസ്സങ്ങൾ നീക്കി വെള്ളമൊഴുക്ക് സുഗമമാക്കാൻ അധികൃതർ അടിയന്തരമായി ഇടപെടണം എന്നും പ്രദേശവാസികളും യാത്രക്കാരും ആവശ്യപ്പെട്ടു.