വിൽപ്പനയ്ക്കായി കൊണ്ടുവന്ന 2.2 കിലോ കഞ്ചാവുമായി പശ്ചിമബംഗാൾ സ്വദേശി ജാഹിദുൾ ഇസ്ലാം അറസ്റ്റിൽ

വിൽപ്പനയ്ക്കായി കൊണ്ടുവന്ന 2.205 കിലോഗ്രാം ഉണക്ക കഞ്ചാവുമായി പശ്ചിമബംഗാൾ സ്വദേശി ജാഹിദുൾ ഇസ്ലാം അറസ്റ്റിലായി. കാഞ്ഞിരപ്പള്ളി കുരിശുകവല ജംഗ്ഷന് സമീപം ബാഗുമായി നിൽക്കുകയായിരുന്ന ഇയാളെ സംശയം തോന്നി പോലീസ് പരിശോധിച്ചപ്പോഴാണ് രണ്ട് പാക്കറ്റുകളിലായി സൂക്ഷിച്ചിരുന്ന കഞ്ചാവ് കണ്ടെത്തിയത്. നൈറ്റ് പട്രോളിംഗിനിടെയാണ് ഇയാളെ പോലീസിന്റെ ശ്രദ്ധയിൽപ്പെട്ടത്.