ചെക്ക് പൂരിപ്പിച്ചുനൽകുമെന്ന വ്യാജേന പണം തട്ടിയ യുവതിയെ അറസ്റ്റ് ചെയ്തു

കോട്ടയത്തെ ബാങ്കിൽ എത്തിയ സ്ത്രീയുടെ ചെക്ക് പൂരിപ്പിച്ചുനൽകുമെന്ന വ്യാജേന പണം തട്ടിയ യുവതിയെ പോലീസ് അറസ്റ്റ് ചെയ്തു. മുണ്ടക്കയം പുഞ്ചവയൽ സ്വദേശിനി ജ്യോതി കൃഷ്ണയെയാണ് പോലീസ് അറസ്റ്റ് ചെയ്തത്. പോലീസ് ഉദ്യോഗസ്ഥ എന്നും ഇൻകം ടാക്‌സ് സൂപ്രണ്ടെന്നും വ്യാജേന പറഞ്ഞ് ഇവർ നാട്ടുകാരോടുള്ള വിശ്വാസം നേടിയെടുത്തു. ചെക്ക് പൂരിപ്പിച്ചു തരാമെന്ന് പറഞ്ഞ് പരാതിക്കാരിയുടെ കൈയ്യിൽ നിന്ന് ചെക്ക് വാങ്ങിയ ഇവർ, സ്വന്തം ബാങ്ക് അക്കൗണ്ട് വിവരങ്ങൾ രേഖപ്പെടുത്തി കൗണ്ടറിൽ നൽകുകയായിരുന്നു. തുടർന്ന് മുണ്ടക്കയം പോലീസ് ഇവരെ അറസ്റ്റ് ചെയ്തു.