ഈരാറ്റുപേട്ട-തൊടുപുഴ റോഡിൽ ബൈക്കും കെ.എസ്.ആർ.ടി.സി ബസ്സും കൂട്ടിയിടിച്ച് യുവാവ് മരിച്ചു

ഈരാറ്റുപേട്ട-തൊടുപുഴ റോഡിൽ കളത്തൂക്കടവിൽ ബൈക്കും കെ.എസ്.ആർ.ടി.സി ബസ്സും കൂട്ടിയിടിച്ച് യുവാവ് മരിച്ചു. മുണ്ടക്കയം കൊക്കയാർ സ്വദേശിയായ ശിവ (24) ആണ് മരിച്ചത്. തൃശ്ശൂരിൽ നിന്ന് അടൂരിലേക്ക് പോവുകയായിരുന്ന റാന്നി ഡിപ്പോയിലെ കെ.എസ്.ആർ.ടി.സി ബസ്സും ശിവയുടെ ബൈക്കും തമ്മിലാണ് അപകടം നടന്നത്. ഇടിയുടെ ആഘാതത്തിൽ ഗുരുതരമായി പരിക്കേറ്റ യുവാവിനെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.