സിഫ്റ്റ് കലാ-സാംസ്കാരിക കേന്ദ്രം തുറന്നു; കിടപ്പുരോഗികൾക്ക് വീൽചെയർ വിതരണം

കുറവിലങ്ങാട്: കെയർ ഇന്ത്യാ ഫൗണ്ടേഷൻ ചാരിറ്റബിൾ ട്രസ്റ്റിന്റെ (സിഫ്റ്റ്) കലാ-സാംസ്കാരിക-വിദ്യാഭ്യാസ കേന്ദ്രത്തിന്റെ ഉദ്ഘാടനവും വീൽചെയർ വിതരണവും നടത്തി. ട്രസ്റ്റിന്റെ ഒൻപതാം വാർഷികത്തോടനുബന്ധിച്ച് സംഘടിപ്പിച്ച ചടങ്ങ് കുറവിലങ്ങാട് ഗ്രാമപഞ്ചായത്ത് പ്രസിഡന്റ് സിബി മാണി ഉദ്ഘാടനം ചെയ്തു. സിഫ്റ്റിന്റെ ജീവകാരുണ്യ പ്രവർത്തനങ്ങളുടെ ഭാഗമായി കിടപ്പുരോഗികൾക്ക് വീൽചെയറുകളും വിദ്യാർഥികൾക്ക് പഠനോപകരണങ്ങളും വിതരണം ചെയ്തു.