പിക്കപ്പ് ലോറിക്ക് പിന്നിൽ ബൈക്കിടിച്ച് യുവാവ് മരിച്ചു

എം.സി. റോഡിൽ പകലോമറ്റം പള്ളിക്ക് സമീപം നിർത്തിയിട്ടിരുന്ന പിക്കപ്പ് ലോറിക്ക് പിന്നിൽ ബൈക്കിടിച്ച് യുവാവ് മരിച്ചു. കളത്തൂർ സ്കൂളിന് സമീപം താമസിക്കുന്ന മണ്ണയ്ക്കനാട് തുരുത്തിക്കാട് രാജേഷ് (42) ആണ് മരിച്ചത്. ഇന്നലെ രാത്രി 10:30 ഓടെയായിരുന്നു അപകടം. എം.സി. റോഡിലൂടെ സഞ്ചരിക്കുകയായിരുന്ന രാജേഷ് ഓടിച്ചിരുന്ന ബൈക്ക്, പകലോമറ്റം പള്ളിക്ക് സമീപം നിർത്തിയിട്ടിരുന്ന പിക്കപ്പ് ലോറിയുടെ പിന്നിൽ ഇടിക്കുകയായിരുന്നു.