ബിഹാറിൽ നിന്ന് നാലുമാസമായി കാണാതായ മാനസിക വെല്ലുവിളിയുള്ള 23കാരനെ കുറവിലങ്ങാട് പോലീസ് കണ്ടെത്തി നാട്ടിലെത്തിച്ചു

കുറവിലങ്ങാട് പോലീസ് മാനസിക വെല്ലുവിളിയും ഓർമക്കുറവും നേരിടുന്ന, ബിഹാറിൽ നിന്ന് നാലുമാസമായി കാണാതായ 23കാരനെ കണ്ടെത്തി നാട്ടിലെത്തിച്ചു. കുറവിലങ്ങാട് യൂണിയൻ ബാങ്കിന്റെ എ.ടി.എം. കൗണ്ടറിൽ അപരിചിതനായ യുവാവ് കിടന്നുറങ്ങുന്നതായി ലഭിച്ച പരാതിയെ തുടർന്ന് നടത്തിയ അന്വേഷണത്തിലാണ് കുറവിലങ്ങാട് ടൗണിൽ നിന്നും യുവാവിനെ കണ്ടെത്തിയത്. ബിഹാർ ബാഹൂന സ്വദേശിയായ രഞ്ജിത് കുമാർ യാദവിനെയാണ് എസ്.ഐ. ഗൗതം ഹരിയുടെ നേതൃത്വത്തിലുള്ള അന്വേഷണത്തിലൂടെ ബന്ധുക്കളെ കണ്ടെത്തി കൈമാറിയത്.