കോട്ടയത്ത് ഏഴ് വാഹനങ്ങൾ കൂട്ടിയിടിച്ച അപകടത്തിന് പിന്നിൽ ആത്മഹത്യാശ്രമം; യുവാവിനെതിരെ കേസ്

കോട്ടയത്തെ മുണ്ടക്കയത്ത് നടന്ന ഏഴ് വാഹനങ്ങൾ കൂട്ടിയിടിച്ച അപകടത്തിന് പിന്നിൽ ആത്മഹത്യാശ്രമം നടന്നതായി പോലീസ് കണ്ടെത്തി. കഴിഞ്ഞ ദിവസം രാവിലെ 8.15-നാണ് അപകടം നടന്നത്. അഞ്ച് കാറുകൾ, ഒരു ഓട്ടോറിക്ഷ, ഒരു സ്കൂട്ടർ ഉൾപ്പെടെ ഏഴ് വാഹനങ്ങൾ അപകടത്തിൽപ്പെട്ടു. പരിക്കേറ്റ ഒമ്പത് പേരെ 26-ാം മൈലിലെ സ്വകാര്യ ആശുപത്രിയിലും രണ്ടുപേരെ കാഞ്ഞിരപ്പള്ളി ജനറൽ ആശുപത്രിയിലും പ്രവേശിപ്പിച്ചു.