കുട്ടിക്കാനം-മുണ്ടക്കയം റൂട്ടിൽ മണ്ണിടിച്ചിൽ; സ്വകാര്യ ബസ് അപകടത്തിൽ നിന്ന് രക്ഷപ്പെട്ടു

കുട്ടിക്കാനം-മുണ്ടക്കയം പാതയിൽ പെരുവന്താനം കടുവാ പാറയ്ക്ക് സമീപം മണ്ണിടിച്ചിലുണ്ടായി. കട്ടപ്പനയിലേക്ക് സർവീസ് നടത്തുകയായിരുന്ന സ്വകാര്യ ബസ് കടന്നുപോകുന്നതിനിടെ കുന്നിൻചെരിവിൽ നിന്ന് മണ്ണും കല്ലും റോഡിലേക്ക് പതിച്ചു. അപകടസമയത്ത് ബസ് റോഡിന്റെ ഒരു വശത്തേക്ക് ഒതുങ്ങിയിരുന്നതിനാൽ ദുരന്തം ഒഴിവായി. ഹൈവേ പോലീസ് നേതൃത്വത്തിൽ റോഡിലെ മണ്ണ് നീക്കം ചെയ്ത് ഗതാഗതം പുനഃസ്ഥാപിക്കാനുള്ള ശ്രമങ്ങൾ തുടരുകയാണ്.