ഗാന്ധി ജയന്തിയോടനുബന്ധിച്ച് ഒക്ടോബർ 1-ന് 'ബാപ്പു ദർശൻ' പ്രദർശനം

ഗാന്ധി ആശയങ്ങളുടെയും മൂല്യങ്ങളുടെയും പ്രസക്തി പുതുതലമുറയിലേക്കും സമൂഹത്തിലേക്കും എത്തിക്കുക എന്ന ലക്ഷ്യത്തോടെ പാലാ അൽഫോൻസാ കോളേജിലെ ഹിസ്റ്ററി ഡിപ്പാർട്ട്മെന്റ്, സെന്റർ ഫോർ ഗാന്ധിയൻ സ്റ്റഡീസ്, പി.ജി. പൊളിറ്റിക്കൽ സയൻസ് ഡിപ്പാർട്ട്മെന്റ്, ബി.വോക് സ്പോർട്സ് ന്യൂട്രീഷൻ ആൻഡ് ഫിസിയോതെറാപ്പി ഡിപ്പാർട്ട്മെന്റ് എന്നിവയുടെ സംയുക്താഭിമുഖ്യത്തിൽ ഗാന്ധി ജയന്തിയോടനുബന്ധിച്ച് ഒക്ടോബർ 1-ന് 'ബാപ്പു ദർശൻ' പോസ്റ്റർ, സ്റ്റാമ്പ്, നാണയ പ്രദർശനം സംഘടിപ്പിക്കുന്നു. രാവിലെ 9.30 മുതൽ വൈകിട്ട് 3.30 വരെയാണ് പ്രദർശനം. ഗാന്ധിജിയുടെ ജീവിതത്തിലെ നാഴികക്കല്ലുകൾ പോസ്റ്ററുകളിലൂടെ അവതരിപ്പിക്കും. കൂടാതെ, ബി.സി. 6-ാം നൂറ്റാണ്ടിലെ പഞ്ച് മാർക്ക്ഡ് നാണയങ്ങൾ മുതൽ മൗര്യ, ഗുപ്ത, മുഗൾ കാലഘട്ടങ്ങളിലെ അപൂർവ്വ നാണയ ശേഖരങ്ങളും പ്രദർശനത്തിനുണ്ടാകും.