സിവിൽ സ്റ്റേഷൻ ജംഗ്ഷനിൽ സ്മാർട്ട് ട്രാഫിക് സിഗ്നൽ നിർമ്മാണത്തിന് തടസ്സം നിൽക്കുന്ന നഗരസഭയുടെ നിലപാട് അംഗീകരിക്കില്ല; കോൺഗ്രസ്

പാലാ നഗരസഭയിലെ സിവിൽ സ്റ്റേഷൻ ജംഗ്ഷനിൽ രൂക്ഷമായ ഗതാഗതക്കുരുവിന് പരിഹാരമായി ഉടൻ സ്മാർട്ട് ട്രാഫിക് സിഗ്നൽ സ്ഥാപിക്കണമെന്ന ആവശ്യവുമായി കോൺഗ്രസ് മണ്ഡലം കമ്മിറ്റി രംഗത്തെത്തി. സിഗ്നൽ സ്ഥാപനത്തിന് തടസ്സം നിൽക്കുന്നത് നഗരസഭയുടെ നിലപാടുകൾ ആണെന്നും മണ്ഡലം കമ്മിറ്റി ആരോപിച്ചു. അടിയന്തരമായി തീരുമാനം ഇല്ലെങ്കിൽ നഗരസഭയ്ക്ക് മുന്നിൽ വമ്പിച്ച ജനകീയ പ്രതിഷേധം സംഘടിപ്പിക്കുമെന്ന് മണ്ഡലം കമ്മിറ്റി പ്രഖ്യാപിച്ചു.