പാലാ - ഏഴാച്ചേരി റോഡിലെ തകർച്ച പരിഹരിക്കണം

പാലാ - ഏഴാച്ചേരി റോഡിലെ തകർച്ച പരിഹരിക്കണം പാലാ: മുണ്ടുപാലം മുതൽ കരൂര് ഭാഗം വരെയുള്ള പാലാ - ഏഴാച്ചേരി റോഡിലെ പൊട്ടിത്തകർന്ന ഭാഗം നാളുകളായി കിടക്കുകയാണ്. കെ.എസ്.ഇ.ബി.യുടെ വർക്കിന്റെ ഭാഗമായി ഒരു വർഷം മുമ്പ് റോഡ് കുത്തിപ്പൊളിക്കുകയും പിന്നീട് പല തവണകളായി വീണ്ടും കുത്തിപ്പൊളിക്കുകയും ചെയ്തിരുന്നു. ഈ റോഡിലൂടെ യാത്ര അപകടകരമായ അവസ്ഥയിലാണെന്നും എത്രയും വേഗം തകർന്ന ഭാഗം പരിഹരിക്കണമെന്നും പാലാ പൗരാവകാശ സമിതി പ്രസിഡന്റ് ജോയി കളരിക്കൽ ആവശ്യപ്പെട്ടു. ബസ്സുകളും വലിയ ടോറസുകളും സ്ഥിരമായി ഓടുന്ന ഈ റോഡിൽ ഓട്ടോറിക്ഷയും ടൂ വീലറുകളും വലിയ കുഴികളിൽ വീണ് അപകടങ്ങൾ സംഭവിക്കുന്നു. കനത്ത മഴയും ചെളിയും അപകടസാധ്യത വർദ്ധിപ്പിക്കുകയും വെള്ളം നിറഞ്ഞ കുഴികൾ കാരണം വെള്ളഞ്ചൂര് ഭാഗത്ത് നടപ്പാത പോലും സുരക്ഷിതമല്ലെന്ന് അദ്ദേഹം പരാതിയിൽ അറിയിച്ചു.