വളവും കീടനാശിനി വിലവർദ്ധനവിനെതിരെ കർഷക യൂണിയൻ പാലയിൽ പ്രതിഷേധം

കർഷക യൂണിയൻ എം പാലാ നിയോജകമണ്ഡലം കമ്മിറ്റിയുടെ നേതൃത്വത്തിൽ അന്യായമായ രാസവള കീടനാശിനി വിലവർദ്ധനവിനെതിരെ തിങ്കളാഴ്ച വൈകിട്ട് 4 മണിക്ക് പാലാ ഹെഡ് പോസ്റ്റ് ഓഫീസിനു മുമ്പിൽ ധർണ നടത്തും. കെഎം മാണി മെമ്മോറിയൽ ഗവ. ആശുപത്രിക്ക് മുന്നിൽ നിന്നും ആരംഭിക്കുന്ന പ്രതിഷേധ മാർച്ച് കേരള കോൺഗ്രസ്എം സംസ്ഥാന ജനറൽ സെക്രട്ടറി ബേബി ഉഴുത്തുവാൽ ഉദ്ഘാടനം ചെയ്യും. തുടർന്ന് ഹെഡ് പോസ്റ്റ് ഓഫീസിനു മുൻപിൽ ധർണ നടക്കും. കർഷക യൂണിയൻ എം പാലാ നിയോജക മണ്ഡലം പ്രസിഡണ്ട് അപ്പച്ചൻ നെടുമ്പിള്ളിയുടെ അധ്യക്ഷതയിൽ ചേരുന്ന യോഗത്തിൽ കേരള കോൺഗ്രസ് എം പാലാ നിയോജക മണ്ഡലം പ്രസിഡണ്ട് ടോബിൻ കെ അലക്സ് ധർണ ഉദ്ഘാടനം ചെയ്യും.