പാലാ ജനറൽ ആശുപത്രി ഭൂമിയിൽ ജിപിഎസ് സർവേ; കയ്യേറ്റം കണ്ടെത്തിയാൽ ഉടൻ ഒഴിപ്പിക്കണം എന്ന് ബിജെപി

പാലാ ജനറൽ ആശുപത്രിയുടെ ഭൂമി അതിർത്തി സംബന്ധിച്ച് ബിജെപി നിരന്തരം ഉയർത്തിയ പരാതികൾക്കും ശക്തമായ ഇടപെടലുകൾക്കും പിന്നാലെ, ആശുപത്രി സൂപ്രണ്ടിന്റെയും തഹസിൽദാറുടെയും മേൽനോട്ടത്തിൽ ഭൂമിയിൽ ജിപിഎസ് സർവേ നടത്തി. വർഷങ്ങളായി ഉയർന്നുവരുന്ന പരാതികൾക്ക് മറുപടി ലഭിക്കേണ്ട ഘട്ടത്തിലാണ് അധികൃതർ നേരിട്ട് സ്ഥലത്തെത്തി പരിശോധന നടത്തിയത്. സർവേയിൽ കയ്യേറ്റം കണ്ടെത്തിയാൽ ഒരു നിമിഷം പോലും വൈകാതെ കയ്യേറ്റക്കാരെ ഒഴിപ്പിച്ച് ആശുപത്രിയുടെ ഭൂമി പൂർണമായും സംരക്ഷിക്കണമെന്ന് ബിജെപി ആവശ്യപ്പെട്ടു.