അട്ടപ്പാടി ഗ്രീൻ എനർജി കോറിഡോർ സബ്‌സ്റ്റേഷനുകളുടെ നിർമ്മാണോദ്ഘാടനം ഒക്ടോബർ 10-ന്

പാലക്കാട് ജില്ലയിലെ അട്ടപ്പാടി, മണ്ണാർക്കാട് മേഖലകളിലെ വൈദ്യുതി പ്രതിസന്ധി പരിഹരിക്കാൻ കെഎസ്ഇബി നടപ്പാക്കുന്ന 'അട്ടപ്പാടി ഗ്രീൻ എനർജി കോറിഡോർ' (AGEC) പദ്ധതിയുടെ സബ്‌സ്റ്റേഷനുകളുടെ നിർമ്മാണോദ്ഘാടനം ഒക്ടോബർ 10 ശനിയാഴ്ച നടക്കും. മണ്ണാർക്കാട് നെല്ലിപ്പുഴ പാലാട്ട് റെസിഡൻസിലാണ് ചടങ്ങ്. ഈ പദ്ധതിയിലൂടെ പുനരുപയോഗ ഊർജ്ജ സാധ്യതകൾ പ്രയോജനപ്പെടുത്താനും വൈദ്യുതി വിതരണ ശേഷി വർദ്ധിപ്പിക്കാനും ലക്ഷ്യമിടുന്നു.