വ്യാജ ഓൺലൈൻ മാധ്യമങ്ങൾക്കെതിരെ ശക്തമായ നിയമനടപടി വേണമെന്ന് കേരള വ്യാപാരി വ്യവസായി ഏകോപന സമിതി

ഓൺലൈൻ മാധ്യമങ്ങളുടെ മറവിൽ വ്യാപാരികളെ ഭീഷണിപ്പെടുത്തി പണം തട്ടുന്ന സംഘങ്ങൾക്കെതിരെ കേരള വ്യാപാരി വ്യവസായി ഏകോപന സമിതി ശക്തമായ പ്രതിഷേധം രേഖപ്പെടുത്തി. പാലായിലെ പ്രമുഖ ഹൈപ്പർമാർക്കറ്റ്, ഫിഷ് മാർക്കറ്റ്, വിവിധ റസ്റ്റോറൻ്റുകൾ എന്നിവയ്ക്കെതിരെ വ്യാജവും അപകീർത്തികരവുമായ വാർത്തകൾ പ്രചരിപ്പിക്കുകയും, പിന്നീട് ഇവ പിൻവലിക്കാനായി പണം പിരിവ് നടത്തുകയുമാണ് ഇത്തരം സംഘങ്ങൾ ചെയ്യുന്നത്. കുറ്റക്കാർക്കെതിരെ പോലീസിലും കോടതിയിലും അടിയന്തരമായി നിയമനടപടികൾ സ്വീകരിക്കുമെന്ന് ഏകോപന സമിതി പാലാ യൂണിറ്റ് പ്രസിഡൻ്റ് വക്കച്ചൻ മറ്റത്തും ജനറൽ സെക്രട്ടറി വി.സി. ജോസഫ അറിയിച്ചു.