മരിയസദനത്തിന് പുതിയ പ്രതിസന്ധി; ആർപിഡബ്ല്യുഡി രജിസ്ട്രേഷൻ പരിധി വർദ്ധിപ്പിക്കാൻ സർക്കാർ അടിയന്തരമായി ഇടപെടണം

പാലയിലുള്ള മരിയസദനം നൂറുകണക്കിന് അശരണർക്ക് അഭയവും ചികിത്സയും പുനരധിവാസവും നൽകിക്കൊണ്ടിരിക്കുകയാണ്. പുതുക്കിയ ആർ.പി.ഡബ്ല്യുഡി രജിസ്ട്രേഷനിൽ അനുവദനീയമായ ആളുകളുടെ എണ്ണം 300-ൽ നിന്ന് 250 ആയി കുറച്ചതാണ് ഗുരുതരമായ പ്രതിസന്ധിക്ക് കാരണം മരിയസദനം ഡയറക്ടർ സന്തോഷ് ജോസഫ് അറിയിച്ചു. മാനസികാരോഗ്യ പ്രശ്നങ്ങൾ നേരിടുന്നവരും ലഹരിവിമുക്തി ചികിത്സയിൽ കഴിയുന്നവരും കുട്ടികൾ, വയോജനങ്ങൾ, കിടപ്പുരോഗികൾ, അഗതികൾ തുടങ്ങി വിവിധ വിഭാഗങ്ങളിലായി 600-ഓളം ആളുകൾ മരിയസദനത്തിന്റെ വിവിധ സ്ഥാപനങ്ങളിൽ സംരക്ഷണത്തിൽ കഴിയുന്നുണ്ട്.