അപ്പച്ചൻ നെടുംപള്ളി അനുസ്മരണം പാലായിൽ നടത്തി

കർഷക യൂണിയൻ എം എം നിയോജക മണ്ഡലം കമ്മിറ്റിയുടെ നേതൃത്വത്തിൽ പാലായിൽ അപ്പച്ചൻ നെടുംപള്ളിയുടെ അനുസ്മരണം നടത്തി. പാലാ കാർഷിക വികസന ബാങ്ക് ഓഡിറ്റോറിയത്തിൽ നടന്ന അനുസ്മരണ സമ്മേളനത്തിൽ നിയോജക മണ്ഡലം വർക്കിംഗ് പ്രസിഡണ്ട് ജോർജ് കുട്ടി ജേക്കബ് അധ്യക്ഷത വഹിച്ചു. കർഷക യൂണിയൻ എം സംസ്ഥാന സെക്രട്ടറി കെ പി ജോസഫ് അനുസ് സമ്മേളനം ഉദ്ഘാടനം ചെയ്തു. കർഷകർക്കായുള്ള അദ്ദേഹത്തിന്റെ നേതൃത്വത്തിൽ നടത്തിയ കർഷക പ്രക്ഷോഭങ്ങൾ, കർഷക സെമിനാറുകൾ, കർഷകരെ ആദരിക്കൽ, ചാരിറ്റി പ്രവർത്തനങ്ങൾ തുടങ്ങിയവ ചടങ്ങിൽ സംബന്ധിച്ചവർ അനുസ്മരിച്ചു.