കടപ്പാട്ടൂർ മഹാദേവ ക്ഷേത്രത്തിൽ നവരാത്രി ആഘോഷങ്ങൾക്ക് ഭക്തിസാന്ദ്രമായ തുടക്കം; ദേവസ്വം പ്രസിഡന്റ് മനോജ് ബി. നായർ ഉദ്ഘാടനം ചെയ്തു

പാലാ കടപ്പാട്ടൂർ മഹാദേവ ക്ഷേത്രത്തിൽ വിപുലമായ പരിപാടികളോടെ നവരാത്രി ആഘോഷങ്ങൾക്ക് തുടക്കമായി. ദേവസ്വം പ്രസിഡന്റ് മനോജ് ബി. നായർ ഭദ്രദീപം തെളിയിച്ച് ആഘോഷങ്ങളുടെ ഔദ്യോഗിക ഉദ്ഘാടനം നിർവഹിച്ചു. നവരാത്രി ദിനങ്ങളോട് അനുബന്ധിച്ച് ക്ഷേത്രത്തിൽ വിശേഷാൽ പൂജകൾ, സംഗീതാർച്ചന, വിദ്യാരംഭ പൂജയെടുപ്പ്, എഴുത്തിനിരുത്ത് തുടങ്ങിയ വിവിധ പരിപാടികൾ നടക്കും. വിജയദശമി ദിനത്തിൽ കുരുന്നുകൾക്ക് ആദ്യാക്ഷരം കുറിക്കുന്നതിനുള്ള ക്രമീകരണങ്ങളും ക്ഷേത്രത്തിൽ ഒരുക്കിയിട്ടുണ്ട്.