പാലായ വൈദ്യുതി പ്രശ്നങ്ങൾക്ക് പരിഹാരമായി പുതിയ സെക്ഷൻ ഓഫീസുകൾ

പാലാ മേഖലയിലെ വൈദ്യുതി തടസ്സങ്ങൾ പരിഹരിക്കുന്നതിനും ഗ്രാമീണ മേഖലകളിൽ കാര്യക്ഷമമായ വൈദ്യുതി വിതരണം ഉറപ്പാക്കുന്നതിനുമായി പുതിയ ഇലക്ട്രിക്കൽ സെക്ഷൻ ഓഫീസുകൾ രൂപീകരിക്കുന്നതുൾപ്പെടെയുള്ള വികസന പദ്ധതികൾ കെ.എസ്.ഇ.ബി അവലോകന യോഗത്തിൽ ചർച്ച ചെയ്തു. നവംബർ മൂന്നിന് അരുണാപുരം ഗസ്റ്റ് ഹൗസിൽ നടന്ന യോഗത്തിൽ അടുത്ത അഞ്ച് വർഷത്തേക്കുള്ള വിവിധ വൈദ്യുതി വികസന പദ്ധതികൾ അവതരിപ്പിച്ചു. പാലാ മേഖലയിലെ വൈദ്യുതി പ്രശ്നങ്ങൾക്ക് മുൻഗണന നൽകി പരിഹാര നടപടികൾ സ്വീകരിക്കുമെന്ന് അധികൃതർ അറിയിച്ചു.