പാലാ അരുണാപുരത്ത് കെട്ടിട ചില്ലിലിടിച്ച് മയിൽ മരിച്ചു

പാലാ അരുണാപുരത്ത് കെട്ടിട ചില്ലിലിടിച്ച് മയിൽ മരിച്ചു. ജങ്ഷന് സമീപത്തെ വീടിന്റെ മുറ്റത്തുനിന്ന് പറന്ന മയിൽ എതിർവശത്തെ കെട്ടിടത്തിന്റെ മുകൾഭാഗത്ത് ഇടിക്കുകയായിരുന്നു. ഇടിയുടെ ആഘാതത്തിൽ കഴുത്തൊടിഞ്ഞ് റോഡിൽ വീണ മയിലിനെ നാട്ടുകാർ ഉടൻതന്നെ പാലാ മൃഗാശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.