പാലാ പീറ്റർ ഫൗണ്ടേഷൻ ചെയർമാൻ ഷിബു പീറ്റർക്ക് നാഷണൽ കിഡ്നി ഫൗണ്ടേഷന്റെ കമ്മ്യൂണിറ്റി സർവീസ് എക്സലൻസ് പുരസ്‌കാരം

പാലാ പീറ്റർ ഫൗണ്ടേഷൻ ചെയർമാനും പ്രമുഖ സാമൂഹിക പ്രവർത്തകനുമായ ഷിബു പീറ്റർ, അമേരിക്കയിലെ നാഷണൽ കിഡ്നി ഫൗണ്ടേഷന്റെ കമ്മ്യൂണിറ്റി സർവീസ് എക്സലൻസ് അവാർഡ് നേടി. വൃക്കരോഗ പ്രതിരോധ പ്രവർത്തനങ്ങൾക്കും നിർധനരായ വൃക്കരോഗികൾക്ക് സൗജന്യ ഡയാലിസിസ് സഹായം ലഭ്യമാക്കുന്നതിനും ആരോഗ്യ ബോധവൽക്കരണത്തിനുമായി അദ്ദേഹം ദീർഘകാലമായി നിസ്വാർത്ഥ സേവനങ്ങൾ നടത്തിവരുന്നു. കേരളത്തിലെ വിവിധ ആശുപത്രികൾക്ക് ഡയാലിസിസ് മെഷീനുകൾ സംഭാവന നൽകുകയും അർഹരായ നിർധന രോഗികൾക്ക് സൗജന്യമായി ഡയാലിസിസ് സൗകര്യങ്ങൾ ഒരുക്കുകയും ചെയ്യുന്നു.