പാലാ സോഷ്യൽ വെൽഫെയർ സൊസൈറ്റി എട്ടിന് വ്യാഴാഴ്ച കളത്തുക്കടവിൽ കർഷക സദസ്സ് സംഘടിപ്പിക്കും

കേന്ദ്ര, സംസ്ഥാന സർക്കാരുകളുടെ വിവിധ സഹായ പദ്ധതികളുടെ ആനുകൂല്യങ്ങൾ ഗ്രാമീണ കർഷകരിൽ എത്തിക്കുവാൻ ലക്ഷ്യമിട്ടാണ് പാലാ സോഷ്യൽ വെൽഫെയർ സൊസൈറ്റി എട്ടിന് വ്യാഴാഴ്ച കളത്തുക്കടവിൽ കർഷക സദസ്സ് സംഘടിപ്പിക്കുന്നത്. ഉച്ചയ്ക്ക് രണ്ടിന് സെന്റ് ജോൺ വിയാനി പള്ളിയുടെ പാരിഷ് ഹാളിൽ നടക്കുന്ന സമ്മേളനത്തിൽ വികാരി ഫാ.അഗസ്റ്റ്യൻ വരിക്കമാക്കൽ അധ്യക്ഷത വഹിക്കും. തലപ്പലം ഗ്രാമപഞ്ചായത്ത് പ്രസിഡന്റ് ജോമി ബെന്നി ഉദ്ഘാടനം ചെയ്യും. പാലാ സോഷ്യൽ വെൽഫെയർ സൊസൈറ്റിയുടെ എക്സിക്യൂട്ടീവ് ഡയറക്ടറും പാലാ സാൻതോം ഫാർമർ പ്രൊഡ്യൂസർ കമ്പനിയുടെ ചെയർമാനുമായ ഫാ. ജോസഫ് വാട്ടപ്പിള്ളിൽ മുഖ്യപ്രഭാഷണം നടത്തും.