പാലയിൽ കമ്പിവടികൊണ്ട് യുവാക്കളെ ആക്രമിച്ചതായി പരാതി

പാലയിൽ യുവാക്കളെ ആക്രമിച്ചതായി പരാതി ലഭിച്ചതിനെ തുടർന്ന് എട്ട് പേർക്കെതിരെ പാല പോലീസ് കേസെടുത്തു. മുൻവൈരാഗ്യത്തെ തുടർന്ന് കഴിഞ്ഞദിവസം രാത്രിയോടെ ഒരു സംഘം മൂന്ന് യുവാക്കളെ വളഞ്ഞ് മാരകായുധങ്ങൾ ഉപയോഗിച്ച് ആക്രമിച്ചതായാണ് പരാതി. ഇടിച്ച് പരിക്കേറ്റ മൂന്ന് യുവാക്കളെ ഗുരുതരാവസ്ഥയിൽ ആശുപത്രിയിൽ പ്രവേശിപ്പിച്ചു. ഒരാളുടെ തലയ്ക്ക് എട്ട് തുന്നലുകൾ ആവശ്യമായി വന്നതായും മറ്റൊരാളുടെ കണ്ണിനും മുഖത്തും സാരമായ പരിക്കേറ്റിട്ടുണ്ടെന്നും റിപ്പോർട്ടുകളുണ്ട്.