എംഡിഎംഎയുമായി മലപ്പുറം സ്വദേശികളായ രണ്ട് യുവാക്കൾ പാലാരിവട്ടത്ത് പിടിയിൽ

എംഡിഎംഎയുമായി മലപ്പുറം സ്വദേശികളായ രണ്ട് യുവാക്കളെ പാലാരിവട്ടത്ത് കസ്റ്റഡിയിലെടുത്തു. തിരൂർ സ്വദേശി അബ്ദുസലാം (32), തിരൂരങ്ങാടി സ്വദേശി സൽമാനുൽ ഫാരിസ് (26) എന്നിവരെയാണ് കാറിൽ സഞ്ചരിക്കുന്നതിനിടെ കസ്റ്റഡിയിലെടുത്തത്. ഇവരിൽ നിന്ന് 4.28 ഗ്രാം എംഡിഎംഎ പിടികൂടി. ഓപ്പറേഷൻ തൂഫാൻ നാർക്കോ ഹണ്ടിന്റെ ഭാഗമായി നാർക്കോട്ടിക് സെൽ അസിസ്റ്റന്റ് കമ്മീഷണർ അനന്തലാലിന്റെ നേതൃത്വത്തിലുള്ള ഡാൻസാഫ് ടീമാണ് പ്രതികളെ അറസ്റ്റ് ചെയ്തത്. 2024-ൽ 51 ഗ്രാം എംഡിഎംഎ കൈവശം വെച്ച കേസിൽ അബ്ദുസലാം പ്രതിയാണ്.