പാലാ മുനിസിപ്പാലിറ്റി പരിപാടിയിൽ വസ്തുതകൾ മറച്ചുവെച്ചുവെന്ന് യുഡിഎഫ് ആരോപണം

സിപിഐഎം പരിപാടിയുടെ ഭാഗമായ പൊതുസമ്മേളനം നടത്തുവാൻ കൊട്ടാരമറ്റം ബസ് സ്റ്റാൻഡ് അനുവദിപ്പിക്കുവാൻ തങ്ങളുടെ മുന്നണി നഗരസഭ ഭരിക്കുമ്പോൾ സാധിക്കാതെ വന്നതിലുള്ള ജാള്യത മറയ്ക്കുവാനാണ് നഗരസഭാ സെക്രട്ടറിക്ക് എതിരെ സി.പി.ഐ.എം ഏരിയ സെക്രട്ടറി വസ്തുതകൾ മറച്ചുവെച്ച് പ്രസ്താവനയുമായി രംഗത്തിറങ്ങിയതെന്ന് യു.ഡി.എഫ് പാലാ മുനിസിപ്പാലിറ്റി പാർലമെന്ററി പാർട്ടി കുറ്റപ്പെടുത്തി. കോൺഗ്രസ് ചിഹ്നത്തിൽ ജയിച്ച കൗൺസിലർമാരെയും അധികാരാർത്തി പൂണ്ട സ്വതന്ത്ര കൗൺസിലറെയും പ്രലോഭനങ്ങളിൽ ഉൾപ്പെടുത്തി ചാക്കിട്ട് പിടിച്ചാണ് ഇടത് മുന്നണി പാലാ മുനിസിപ്പാലിറ്റിയിൽ അധികാരം പിടിച്ചെടുത്തത് എന്നും യുഡിഎഫ് ആരോപിച്ചു. സെബാസ്റ്റ്യൻ ജെ. പനയ്ക്കൽ, സിജി ടോണി തോട്ടത്തിൽ, പ്രിൻസി സണ്ണി എന്നിവർ സിപിഐഎം ഏരിയ സെക്രട്ടറിക്ക് പരാമർശിച്ചു.