പല്ലാട്ട് ബ്രഹ്മദത്തന് ആദരാഞ്ജലികൾ അർപ്പിച്ചു കേന്ദ്രമന്ത്രി സുരേഷ് ഗോപി; പാലാ മുരിക്കുമ്പുഴ ദേവീക്ഷേത്രത്തിലും, പാലാ കുരിശുപള്ളിയിലും ദർശനം നടത്തി

മിന്നലേറ്റു ചരിഞ്ഞ പല്ലാട്ട് ബ്രഹ്മദത്തന് ആദരാഞ്ജലികൾ അർപ്പിക്കാൻ കേന്ദ്രമന്ത്രി സുരേഷ് ഗോപി പല്ലാട്ടു വീട്ടിലെത്തി. ശനിയാഴ്ച ഉച്ചയോടെ മന്ത്രി ആനയ്ക്ക് മിന്നലേറ്റ സ്ഥലവും സന്ദർശിച്ചു. രാവിലെ പാലാ മുരിക്കുമ്പുഴ ദേവീക്ഷേത്രത്തിലും പാലാ കുരിശുപള്ളിയിലും അദ്ദേഹം ദർശനം നടത്തി. ക്ഷേത്ര പരിസരത്തുകൂടി നടക്കുമ്പോൾ തനിക്ക് കുറച്ച് തുമ്പച്ചെടിയുടെ തൈകൾ വേണമെന്ന് ആവശ്യപ്പെട്ട അദ്ദേഹം, കുറച്ച് തുമ്പച്ചെടികളും പറിച്ചാണ് യാത്രയായത്.