വീഡിയോ ഗാനം 'മാതാവേ... എന്നുയിരേ...' പാലക്കാട് ചർച്ചിൽ പ്രകാശനം ചെയ്തു

പാലക്കാട്: കന്യാമറിയത്തിന്റെ തിരുസന്നിധിയിൽ ഒരുമിച്ചുകൂടിയ വേളയിൽ 'മാതാവേ... എന്നുയിരേ...' എന്ന വീഡിയോ ഗാന ആൽബത്തിന്റെ ഓൺലൈൻ പ്രകാശനം നടത്തി. ബാംഗ്ലൂരിൽ ജോലിചെയ്യുന്ന കരിമ്പ സ്വദേശിനിയും എഴുത്തുകാരിയുമായ ബിന്ദു പി.മേനോൻ രചിച്ച് പ്രമുഖ ചലച്ചിത്ര ഗായകൻ ഉണ്ണിമേനോൻ സംഗീതവും ആലാപനവും നിർവഹിച്ച ഭക്തിഗാനം പാലക്കയം ചീനിക്കപ്പാറ സെന്റ് തോമസ് ചർച്ചിൽ ഫാദർ ടോണി കോഴിപ്പാടൻ പ്രകാശനം ചെയ്തു. വിശുദ്ധ മറിയം പ്രമേയമായുള്ള ഈ ഗാനം ബ്ലിസ്റൂട്ട്സ് എന്ന യൂട്യൂബ് ചാനലിലൂടെയാണ് പ്രേക്ഷകരിൽ എത്തിക്കുന്നത്.