യുവാക്കൾ മാറ്റത്തിന്റെ വക്താക്കൾ: കത്തോലിക്ക കോൺഗ്രസ്

കത്തോലിക്ക കോൺഗ്രസ് പാലാ രൂപത യൂത്ത് കൗൺസിൽ സംഘടിപ്പിച്ച 'യുവ ജ്വാല 2026' ഉദ്ഘാടനം ചെയ്തുകൊണ്ട് മോൺ. സെബാസ്റ്റ്യൻ വേത്താനത്ത് സംസാരിച്ചു. സാമൂഹിക, സാമ്പത്തിക, രാഷ്ട്രീയ മേഖലകളിൽ വലിയ മാറ്റങ്ങൾ കൊണ്ടുവരാൻ യുവാക്കൾക്ക് സാധിക്കുമെന്നും പുതിയ ചിന്തകളും ആശയങ്ങളും സമൂഹത്തിലേക്ക് എത്തിക്കുന്നത് പ്രധാനമായും യുവാക്കളാണെന്നും അദ്ദേഹം പറഞ്ഞു. കാർഷിക വൃത്തിയോടുള്ള ആഭിമുഖ്യക്കുറവ്, വിദേശത്തേക്കുള്ള കുടിയേറ്റം തുടങ്ങിയ വിഷയങ്ങളിൽ പ്രൊഫ. റോണി കെ ബേബി എംഎൽഎ, അഡ്വ. സെബാസ്റ്റ്യൻ കുളത്തുങ്കൽ എക്സ് എംഎൽഎ, അഡ്വ. ഷോൺ ജോർജ് എന്നിവർ അഭിപ്രായങ്ങൾ പങ്കുവെച്ചു. രൂപതാ പ്രസിഡൻ്റ് ഇമ്മാനുവേൽ നിധീരി അധ്യക്ഷത വഹിച്ച യോഗത്തിൽ ഗ്ലോബൽ പ്രസിഡൻ്റ് രാജീവ് കൊച്ചുപറമ്പിൽ മുഖ്യപ്രഭാഷണവും റവ. ഡോ. ജോർജ് വർഗീസ് ഞാറക്കുന്നേൽ ആമുഖപ്രഭാഷണവും നടത്തി.