ഒമ്പതാം ക്ലാസ് വിദ്യാർഥിയെ ഭീഷണിപ്പെടുത്തി 24 പവൻ സ്വർണം കൈക്കലാക്കിയ കേസിൽ മൂന്ന് മുൻ വിദ്യാർഥികൾ അറസ്റ്റിൽ

ഒമ്പതാം ക്ലാസ് വിദ്യാർഥിയെ കൊല്ലുമെന്ന് ഭീഷണിപ്പെടുത്തി വീട്ടിലെ അലമാരയിൽ സൂക്ഷിച്ചിരുന്ന 24 പവൻ സ്വർണം കൈക്കലാക്കിയ കേസിൽ പാമ്പാടി സ്വദേശികളായ അൻസൽ മുഹമ്മദ്, നിധിൻ നിഷാദ്, ഷെബിൻ എബ്രഹാം എന്നിവരെ പോലീസ് അറസ്റ്റ് ചെയ്തു. കുട്ടി പഠിക്കുന്ന സ്‌കൂളിലെ മുൻ വിദ്യാർഥികളായ മൂവരും 18 വയസ്സുള്ളവരാണ്. ട്യൂഷൻ സെന്ററിലാണ് പ്രതികൾ കുട്ടിയുമായി പരിചയപ്പെട്ടത്. പിതാവിന്റെ പരാതിയുടെ അടിസ്ഥാനത്തിൽ പോലീസ് കേസെടുക്കുകയും ഞായറാഴ്ച പ്രതികളെ പിടികൂടുകയും ചെയ്തു.