പൊൻകുന്നത്തെ കള്ളുഷാപ്പിൽ ഭിത്തിയുടെ വിടവിലൂടെ കമ്പിയുപയോഗിച്ച് കള്ളുകുപ്പികൾ മോഷണം

കോട്ടയം ജില്ലയിലെ പൊൻകുന്നം പത്തൊൻപതാം മൈലിലുള്ള കള്ളുഷാപ്പിൽ ഭിത്തിയുടെ വിടവിലൂടെ കമ്പി ഉപയോഗിച്ച് കള്ളുകുപ്പികൾ മോഷ്ടിച്ചു. ഭിത്തിയുടെ വിടവിലൂടെ കമ്പി അകത്തേക്ക് ഇറക്കി മോഷ്ടാക്കൾ കള്ളുകുപ്പികൾ പുറത്തേക്ക് എടുത്തു. സിസിടിവി ദൃശ്യങ്ങളിൽ രണ്ട് പേർ ചേർന്നാണ് മോഷണം നടത്തിയതെന്ന് കാണാം. ആകെ ആറ് കുപ്പി കള്ളാണ് മോഷ്ടാക്കൾ കവർന്നത്. സിസിടിവി ദൃശ്യങ്ങൾ പരിശോധിച്ച് പ്രതികളെ കണ്ടെത്താനായി പോലീസ് അന്വേഷണം ഊർജ്ജിതമാക്കി.