ഉഴവൂർ ടൗണിലെ പെട്രോൾ പമ്പിൽ നിന്ന് ഒന്നര ലക്ഷം രൂപ മോഷണം

ഉഴവൂർ ടൗണിലെ ഒരു പെട്രോൾ പമ്പിൽ നിന്ന് ഒന്നര ലക്ഷം രൂപയോളം മോഷണം നടന്നു. ശനിയാഴ്ച പുലർച്ചെ 12:44-ഓടെയാണ് സംഭവം. അപരിചിതരായ രണ്ടുപേർ പമ്പിന്റെ ഓഫീസ് മുറിയുടെ പൂട്ട് പൊളിച്ച് അകത്തുകയറി, ഓഫീസിൽ സൂക്ഷിച്ചിരുന്ന സേഫ് മുഴുവനായി എടുത്തുമാറ്റി. സമീപത്തെ കൃഷിയിടത്തിൽ എത്തി സേഫ് കുത്തിത്തുറന്ന് ഒന്നര ലക്ഷത്തോളം രൂപ കവർന്നാണ് സംഘം കടന്നുകളഞ്ഞത്. സംഭവത്തെക്കുറിച്ച് പെട്രോൾ പമ്പ് ഉടമ പോലീസിൽ പരാതി നൽകുകയും സിസിടിവി ദൃശ്യങ്ങൾ ഉൾപ്പെടെയുള്ള തെളിവുകൾ പോലീസിന് കൈമാറുകയും ചെയ്തു.