ഡിജിറ്റൽ കൈക്കൂലി; വൈക്കം സിഐ നിർബന്ധിത അവധിയിൽ

യുപിഐ ആപ്പിലൂടെ കൈക്കൂലി വാങ്ങിയ വൈക്കം സിഐ ഷമീർഖാൻ നിർബന്ധിത അവധിയിലാണ്. വെള്ളിയാഴ്ച മൂന്നിനാണ് ടിപ്പർ ലോറി ഡ്രൈവർനിൽനിന്നും അനധികൃത മണ്ണുകടത്തുകാരനിൽനിന്നും ഗൂഗിൾ പേ വഴി കൈക്കൂലി വാങ്ങിയതിന് സിഐയുടെ ഫോണും എടിഎം കാർഡും വിജിലൻസ് പിടിച്ചെടുത്തത്. കോഴിഫാമിൽ ജയിലിയ അസം സ്വദേശിയുടെ സിം കാർഡ് ഉപയോഗിച്ചാണ് സിഐ കൈക്കൂലി വാങ്ങിയതെന്ന് വിജിലൻസ് കണ്ടെത്തി. സിഐക്കെതിരെ സ്പെഷ്യൽ ബ്രാഞ്ചും സംസ്ഥാന ഇന്റലിജൻസ് വിഭാഗവും ആഭ്യന്തരവകുപ്പിന് റിപ്പോർട്ട് നൽകിയിരുന്നു.