കൈക്കൂലി വാങ്ങിയ കേസിൽ വൈക്കം സി.ഐ സസ്‌പെൻഡ്

അസം സ്വദേശിയുടെ ബാങ്ക് അക്കൗണ്ട് ഉപയോഗിച്ച് കൈക്കൂലി വാങ്ങിയെന്ന വിജിലൻസ് കണ്ടെത്തലിനെ തുടർന്ന് വൈക്കം സി.ഐ ഷമീർഖാനെ അന്വേഷണ വിധേയമായി സസ്‌പെൻഡ് ചെയ്തു. വൈക്കം കനറാ ബാങ്ക് ശാഖയിൽ ഷമീർഖാൻ അക്കൗണ്ട് തുടങ്ങിയെന്നും, ചുമതലയേറ്റ് ഒരു മാസത്തിനിടെ ഇയാൾ 2.28 ലക്ഷം രൂപ കൈക്കൂലിയായി വാങ്ങിയതായും വിജിലൻസ് കണ്ടെത്തി. ടിപ്പർ ലോറിക്കാരില്‍നിന്നും അനധികൃത മണ്ണുകടത്തുകാരില്‍ നിന്നും ഗൂഗിൾ പേ വഴി കൈക്കൂലി വാങ്ങിയതിന് കഴിഞ്ഞ വെള്ളിയാഴ്ച ഉച്ചയോടെ ഷമീർഖാന്റെ ഫോണും എടിഎം കാർഡും വിജിലൻസ് പിടിച്ചെടുത്തിരുന്നു.