വൈക്കം ബോട്ട് ജെട്ടിയിൽ നിന്ന് പാലാക്കരിയിലേക്ക് പുതിയ ടൂറിസം ബോട്ട് സർവീസ് ആരംഭിച്ചു

സംസ്ഥാന സർക്കാരിന്റെ 100 ദിന കർമ്മപരിപാടിയുടെ ഭാഗമായി, 75 പേർക്ക് സഞ്ചരിക്കാവുന്ന 'ആദിത്യ 3' എന്ന പരിസ്ഥിതി സൗഹൃദ സോളാർ ബോട്ട്, വൈക്കം ബോട്ട് ജെട്ടിയിൽ നിന്ന് പാലാക്കരി അക്വാ ടൂറിസം സെന്ററിലേക്ക് സർവീസ് ആരംഭിച്ചു. വൈക്കം ബോട്ട് ജെട്ടിയിൽ നിന്ന് രാവിലെ 11 മണിക്ക് ആരംഭിക്കുന്ന ഈ സർവീസിന് കെ. ബിനിമോൻ എംഎൽഎ തുടക്കം കുറിച്ചു. വൈക്കം നഗരസഭ ചെയർപേഴ്സൺ അബ്ദുൾ സലാം റാവുത്തർ അധ്യക്ഷത വഹിച്ചു. യാത്രക്കാർക്ക് കായൽ കാഴ്ചകൾ, സൂര്യാസ്തമയം, നാടൻ വിഭവങ്ങൾ ഉൾപ്പെടെയുള്ള ഭക്ഷണം ആസ്വദിക്കാൻ അവസരമുണ്ടാകും.