ചങ്ങനാശേരിയിലെ കൂട്ടമരണ അന്വേഷണം തുടരുന്നു

ചങ്ങനാശേരിയിൽ മൂന്നംഗ കുടുംബത്തെ മരിച്ച നിലയിൽ കണ്ടെത്തിയ സംഭവത്തിൽ പോലീസ് അന്വേഷണം തുടരുകയാണ്. മരിച്ചവർ സാജു ആന്റണി (64), ഭാര്യ അനു (59), മകൻ സബിൻ (34) എന്നിവരാണ്. മാതാപിതാക്കൾ മരിച്ചത് കണ്ട് സബിനും ജീവനൊടുക്കുകയായിരുന്നുവെന്ന് പോലീസ് സംശയിക്കുന്നു. സബിൻ ഓണ്‍ലൈന്‍ ഗെയിമുകളിലൂടെയും ട്രേഡിംഗിലൂടെയും സാമ്പത്തിക നഷ്ടം വരുത്തിയിട്ടുണ്ടെന്ന് ബന്ധുക്കളിൽ ചിലർ മൊഴി നൽകിയിട്ടുണ്ട്. സാജുവിന്റെയും സബിന്റെയും സാമ്പത്തിക ഇടപാടുകൾ കേന്ദ്രീകരിച്ചാണ് പോലീസ് അന്വേഷണം പുരോഗമിക്കുന്നത്.