കാഞ്ഞിരപ്പള്ളിയിൽ ഏഴു വാഹനങ്ങൾ കൂട്ടിയിടിച്ച അപകടം ഡ്രൈവറുടെ ആത്മഹത്യാശ്രമം: പ്രതി അറസ്റ്റിൽ

ദേശീയപാത 183-ലെ ചോറ്റി ജംഗ്ഷനിൽ ഏഴു വാഹനങ്ങൾ ഉൾപ്പെട്ട അതിദാരുണമായ വാഹനാപകടം കാർ ഡ്രൈവറുടെ ആത്മഹത്യാശ്രമമായിരുന്നുവെന്ന് പൊലീസ്. അമിതവേഗതയിൽ കാറോടിച്ച് മറ്റ് വാഹനങ്ങളിലേക്ക് മനഃപൂർവം ഇടിച്ചുകയറ്റുകയായിരുന്നുവെന്ന് സമ്മതിച്ചതിനെ തുടർന്ന് കൂട്ടിക്കൽ പുത്തൂർ സ്വദേശി ശാരോണിൺ ഫിലിപ്പിനെ (27) കാഞ്ഞിരപ്പള്ളി പൊലീസ് അറസ്റ്റ് ചെയ്തു. ഞായറാഴ്ച രാവിലെ 8.15-ഓടെ മുണ്ടക്കയം ഭാഗത്തുനിന്നും അമിതവേഗതയിലെത്തിയ കാർ തുടരെ അഞ്ച് കാറുകളിലും ഓട്ടോറിക്ഷയിലും സ്കൂട്ടറിലുമിടിച്ചാണ് നിന്നത്. അപകടത്തിൽ കുട്ടികളടക്കം പത്തുപേർക്കാണ് പരിക്കേറ്റത്.