സംസ്ഥാനത്ത് സ്വകാര്യ ബസുകൾ ഏറ്റെടുക്കുന്ന പശ്ചാത്തലത്തിൽ പ്രിയദർശിനി സർവീസുകൾ വർദ്ധിപ്പിക്കണമെന്ന ആവശ്യം ശക്തമാകുന്നു

സംസ്ഥാനത്ത് സ്വകാര്യ ബസുകൾ ട്രാൻസ്പോർട്ട് കോർപ്പറേഷൻ ഏറ്റെടുക്കുന്ന പശ്ചാത്തലത്തിൽ പ്രിയദർശനി സർവീസുകളുടെ എണ്ണം വർദ്ധിപ്പിക്കണമെന്ന ആവശ്യം ശക്തമാകുന്നു. ആദ്യഘട്ടമായി 1000 സ്വകാര്യ ബസുകളാണ് കെ.എസ്.ആർ.ടി.സി ഏറ്റെടുക്കുന്നത്. നിലവിലെ തീരുമാനപ്രകാരം ഈ 1000 ബസുകൾ ഓർഡിനറി സർവീസുകളായി സർവീസ് നടത്തുമെങ്കിലും അവയെ പ്രിയദർശനി ബസുകളുടെ ഗണത്തിൽ ഉൾപ്പെടുത്തില്ല. ജനങ്ങൾക്ക് കൂടുതൽ പ്രയോജനകരമാകുന്ന രീതിയിൽ കെഎസ്ആർടിസി പ്രിയദർശനി സർവീസുകളുടെ എണ്ണം കൂട്ടണമെന്നാണ് യാത്രക്കാരുടെയും പ്രാദേശിക തലത്തിലെയും പ്രധാന ആവശ്യം.