പൂഞ്ഞാർ പ്രളയ നാശനഷ്ടങ്ങൾക്കായി പ്രത്യേക പുനരധിവാസ പാക്കേജ് പ്രഖ്യാപിച്ചു

ഓഗസ്റ്റ്, സെപ്റ്റംബർ മാസങ്ങളിലെ കനത്ത മഴയിലും വെള്ളപ്പൊക്കത്തിലും വലിയ നാശനഷ്ടങ്ങൾ സംഭവിച്ച പൂഞ്ഞാർ നിയോജകമണ്ഡലത്തിന് പ്രത്യേക പുനരധിവാസ പാക്കേജ് നടപ്പാക്കുമെന്ന് മുഖ്യമന്ത്രി അറിയിച്ചു. ദുരന്തത്തിൽ മരണമടഞ്ഞവരുടെ ആശ്രിതർക്കുള്ള ധനസഹായം 4 ലക്ഷം രൂപയിൽ നിന്ന് 6 ലക്ഷം രൂപയായി ഉയർത്തി. മണ്ണടിച്ചിലും ഉരുൾപൊട്ടലും മൂലം ചെളിനിറഞ്ഞ വീടുകൾ വൃത്തിയാക്കുന്നതിനായി റേഷൻ കാർഡ് ഒന്നിന് 10,000 രൂപ വീതം അനുവദിച്ചു.