കുറവിലങ്ങാട് സമീപം ഇന്നോവ കാർ നടത്തിയ അപകടകരമായ ഓവർടേക്കിങ്; ഡ്രൈവറുടെ ലൈസൻസ് സസ്പെൻഡ് ചെയ്തു

കുറവിലങ്ങാടിന് സമീപം ബൈക്ക് യാത്രക്കാരായ ദമ്പതികളെ അപകടപ്പെടുത്തുന്ന രീതിയിൽ അപകടകരമായി വാഹനമോടിച്ച ഇന്നോവ കാർ മോട്ടോർ വാഹന വകുപ്പ് കണ്ടെത്തി. കാർ ഓടിച്ച ഉടമയുടെ ലൈസൻസ് ആറുമാസത്തേക്ക് സസ്പെൻഡ് ചെയ്തതായി കോട്ടയം ആർ.ടി.ഒ ഡി. ജയരാജ് അറിയിച്ചു. ലൈസൻസ് പുനഃസ്ഥാപിക്കണമെങ്കിൽ ഡ്രൈവർമാർക്കായുള്ള പരിശീലന കേന്ദ്രമായ ഐഡിടിആറിൽ അഞ്ചു ദിവസത്തെ കർശന പരിശീലനം പൂർത്തിയാക്കി സർട്ടിഫിക്കറ്റ് ഹാജരാക്കണം.