പുരപ്പുറ സൗരോർജ പദ്ധതികൾക്കുള്ള നെറ്റ് മീറ്ററുകൾ ഉപഭോക്താക്കൾക്ക് സ്വന്തമായി വാങ്ങി ടെസ്റ്റ് ചെയ്യാം

പുരപ്പുറ സൗരോർജ നിലയങ്ങൾ ഗ്രിഡുമായി ബന്ധിപ്പിക്കുന്നതിന് ആവശ്യമായ നെറ്റ് മീറ്ററുകൾ ഉപഭോക്താക്കൾക്ക് ഇനി സ്വന്തമായി വാങ്ങി ടെസ്റ്റ് ചെയ്തു നൽകാൻ സൗകര്യമുണ്ട്. ഓൺലൈനിലോ അംഗീകൃത വെൻഡർമാരിൽ നിന്നോ വാങ്ങുന്ന മീറ്ററുകൾ ഇലക്ട്രിക്കൽ ഇൻസ്പെക്ടറേറ്റ് വകുപ്പിന് കീഴിലുള്ള തിരുവനന്തപുരം മീറ്റർ ടെസ്റ്റിംഗ് ആൻഡ് സ്റ്റാൻഡേർഡ്സ് ലബോറട്ടറിയിലോ അതത് ജില്ലാ ലാബുകളിലോ എത്തിച്ച് പരിശോധിക്കാവുന്നതാണ്. സിംഗിൾ ഫേസ് മീറ്ററിന് 665 രൂപയും ത്രീ ഫേസ് മീറ്ററിന് 1,105 രൂപയുമാണ് ഫീസ്. സ്വന്തമായി വാങ്ങുന്ന മീറ്ററുകൾ ടെസ്റ്റ് ചെയ്ത് കെ.എസ്.ഇ.ബിക്ക് നൽകുന്നതിലൂടെ പ്രതിമാസ മീറ്റർ വാടക ഒഴിവാക്കാനാകുമെന്ന് ചീഫ് ഇലക്ട്രിക്കൽ ഇൻസ്പെക്ടർ അറിയിച്ചു.