സ്വകാര്യ ബസ് ജീവനക്കാർക്ക് പോലീസ് ക്ലിയറൻസ് സർട്ടിഫിക്കറ്റ് നടപ്പാക്കണമെന്ന ആവശ്യം ശക്തമാകുന്നു

സ്വകാര്യ ബസ് ജീവനക്കാർക്ക് പോലീസ് ക്ലിയറൻസ് സർട്ടിഫിക്കറ്റ് നടപ്പാക്കണമെന്ന ആവശ്യം ശക്തമാകുന്നു. സ്വകാര്യ ബസ് ജീവനക്കാർ പരസ്പരം കത്തിക്കുത്ത് നടത്തുന്നതും ഓട്ടോറിക്ഷാ ഡ്രൈവറെ മർദിക്കുന്നതുമായ സംഭവങ്ങൾ കഴിഞ്ഞ ദിവസങ്ങളിൽ അരങ്ങേറിയിരുന്നു. റോഡിലിപ്പോൾ നിയമവാഴ്ചയില്ലെന്ന് ജസ്റ്റിസ് ദേവൻ രാമചന്ദ്രൻ വിമർശിച്ച സാഹചര്യവും ഉണ്ടായി. തുടർച്ചയായി ഉണ്ടാകുന്ന അക്രമ സംഭവങ്ങളുടെയും അശ്രദ്ധമായ ഡ്രൈവിങ്ങിന്റെയും പശ്ചാത്തലത്തിൽ സംസ്ഥാനവ്യാപകമായി ക്ലിയറൻസ് സർട്ടിഫിക്കറ്റ് നിർബന്ധമാക്കണമെന്ന ആവശ്യമാണ് ഉയരുന്നത്.