ബിഹാറിലെ കൊലപാതക കേസിൽ പ്രതിയായ പിടികിട്ടാപ്പുള്ളി കൊല്ലത്ത് അറസ്റ്റിൽ

ബിഹാറിലെ കൊലപാതക കേസിൽ പ്രതിയായ പിടികിട്ടാപ്പുള്ളി കൊല്ലത്ത് അറസ്റ്റിൽ. ബിഹാർ സ്വദേശി മുഹമ്മദ് അജാസ് അഹമ്മദിനെ കൊല്ലം ഈസ്റ്റ് പോലീസ് ചാമക്കടയിൽ നിന്ന് പിടികൂടി. ബിഹാറിലെ ആർജെഡി നേതാവ് വൈദ്യനാഥ് മഹ്തോ കൊല്ലപ്പെട്ട കേസിലെ പ്രതിയാണ് ഇയാൾ. കൊലപാതകം നടത്താനായി കേരളത്തിൽ നിന്ന് ബിഹാറിലേക്ക് പോയ ശേഷം തിരികെ കൊല്ലത്തെത്തിയെന്നാണ് പോലീസിന്റെ കണ്ടെത്തൽ. കൊലപാതകശ്രമം, കവർച്ച തുടങ്ങി വിവിധ കുറ്റകൃത്യങ്ങളുമായി ബന്ധപ്പെട്ട് ബിഹാറിലെ വിവിധ പോലീസ് സ്റ്റേഷനുകളിലായി ഇരുപതോളം കേസുകളാണ് അഹമ്മദിനെതിരെയുള്ളത്.