കനത്ത മഴയിലും വെള്ളപ്പൊക്കത്തിലും മരണപ്പെട്ട ഒമ്പത് പേരുടെ കുടുംബങ്ങൾക്ക് എട്ടുലക്ഷം രൂപ വീതം ധനസഹായം നൽകാൻ മന്ത്രിസഭ തീരുമാനിച്ചു

കനത്ത മഴയിലും വെള്ളപ്പൊക്കത്തിലും മരണപ്പെട്ട ഒമ്പത് പേരുടെ കുടുംബങ്ങൾക്ക് എട്ടുലക്ഷം രൂപ വീതം ധനസഹായം നൽകാൻ മന്ത്രിസഭ തീരുമാനിച്ചതായി മുഖ്യമന്ത്രി അറിയിച്ചു. ഇടുക്കി, കോട്ടയം, മലപ്പുറം ജില്ലകളിൽ മരണപ്പെട്ടവരാണ് ഇവർ. സംസ്ഥാനത്തെ വയോജന ക്ഷേമ വകുപ്പിന്റെ പേര് മുതിർന്ന പൗരന്മാർക്കുള്ള വകുപ്പ് എന്ന് പുനർനാമകരണം ചെയ്യും എന്നും മുഖ്യമന്ത്രി കൂട്ടിച്ചേർത്തു. റോഡ് അപകടങ്ങളും മരണനിരക്കും വർദ്ധിച്ചുവരുന്ന സാഹചര്യത്തിൽ ഗവൺമെന്റ് ഒരു റോഡ് സുരക്ഷാ കാമ്പയിൻ ആരംഭിക്കുമെന്നും അദ്ദേഹം കൂട്ടിച്ചേർത്തു.