ശ്രീനാരായണഗുരുദേവനെ അധിക്ഷേപിച്ചയാൾക്കെതിരെ കേസെടുക്കണമെന്ന് ഹിന്ദു ഐക്യവേദി

ശ്രീനാരായണഗുരുദേവനെ നവമാധ്യമങ്ങളിലൂടെ അധിക്ഷേപിച്ച കെ. വി. സുഭാഷ് പേരാമംഗലത്തിനെതിരെ കേസെടുക്കണമെന്ന് ഹിന്ദു ഐക്യവേദി സംസ്ഥാന വൈസ് പ്രസിഡന്റ് ഇ. എസ്. ബിജു ആവശ്യപ്പെട്ടു. ഗുരുദേവന്റെ ശരീര പ്രകൃതിയെ പോലും ചാനലിലൂടെ അധിക്ഷേപിച്ച സുഭാഷ് ആരോപിക്കുന്നു. കേരള നവോത്ഥാനത്തിലെ ശ്രീനാരായണഗുരുദേവന്റെ ചരിത്രപരമായ പങ്ക്, അദ്വൈതദർശനം, ക്ഷേത്രപ്രതിഷ്ഠകൾ എന്നിവയെ അധിക്ഷേപിച്ചതിലൂടെ ഒരു സമൂഹത്തെ ഒന്നാകെ അപമാനിക്കുകയാണ് ചെയ്യുന്നത് എന്നും ഇ. എസ്. ബിജു കൂട്ടിച്ചേർത്തു.