എയിംസ് സ്ഥാപിക്കാൻ കാസർഗോഡ്, തൃശൂർ, കോട്ടയം പരിഗണനയിൽ

എയിംസ് സ്ഥാപിക്കാനുള്ള സ്ഥലങ്ങൾ പരിഗണിക്കുമ്പോൾ, കാസർഗോഡ് പെരിയ പനയാലിലെ പ്ലാന്റേഷൻ കോർപറേഷന്റെ 274.69 ഏക്കർ, തൃശൂരിലെ ചാലക്കുടിയിലെ സർക്കാർ പ്രസ്, വൈഗ ത്രെഡ്‌സ്, കൊരട്ടി സർക്കാർ ആശുപത്രി എന്നിവയുടെ ഭൂമി, കോട്ടയത്തെ വെള്ളൂരിൽ കെ.പി.പി.എല്ലിന്റെ 487.31 ഏക്കർ എന്നിവയാണ് പരിഗണനയിലുള്ളത്. കേന്ദ്രത്തിന് ശുപാർശ ചെയ്യാനുള്ള കളക്ടർമാരുടെ റിപ്പോർട്ട് മുഖ്യമന്ത്രിയുടെ പരിഗണനയിലാണെന്ന് മന്ത്രി കെ. മുരളീധരൻ നിയമസഭയിൽ പറഞ്ഞു.